Aqtóbede jeńil jáne júk kóligi soqtyǵysyp, júrgizýshi kóz jumdy
AQTÓBE. QazAqparat – Aqtóbeniń Temir aýdanynda jeńil jáne júk kóligi soqtyǵysyp, júrgizýshi kóz jumdy, dep habarlaıdy QazAqparat tilshisi.
«Aqtóbe-Astrahan» tasjolynyń 189 shaqyrymynda «Reno Daster» markaly avtokóliginiń 49 jastaǵy júrgizýshisi qarsy qozǵalysqa arnalǵan jolaqqa shyǵyp ketti. Sol kezde júk kóligimen soqtyǵysty.
«Jol-kólik oqıǵasy saldarynan «Reno Daster» avtokóliginiń 42 jastaǵy jolaýshysy oqıǵa ornynda kóz jumdy. Eki jolaýshy Temir aýdanynyń ortalyq aýrýhanasyna jatqyzyldy. Tekserý barysynda polıtseıler «Reno» kóligi júrgizýshisiniń ótken jyldyń basynda mas kúıinde mashına aıdaǵany úshin 7 jylǵa kólik quralyn basqarý quqyǵynan aıyrylǵany anyqtaldy. Atalǵan fakti boıynsha QR QK 345-baby 3-bóligi, ıaǵnı, «Jol qozǵalysy erejesin buzý» baby boıynsha sotqa deıingi tergeý júrgizilip jatyr. Osy baptyń sanktsııasy boıynsha 5 jylǵa deıin bas bostandyǵynan aıyrý jazasy kózdelgen», - dep habarlady oblystyq PD baspasóz qyzmetiniń jetekshisi Erbolat Sarqulov.
