Aqtóbede jeńil jáne júk kóligi soqtyǵysyp, eki adam qaza tapty
AQTÓBE. QazAqparat - Samara-Shymkent halyqaralyq tasjolynda eki kólik soqtyǵysyp, júrgizýshi men jolaýshy mert boldy dep habarlaıdy QazAqparat tilshisi.
Samara-Shymkent tasjolyndaǵy jol apaty 3- mamyr kúni saǵat 11:30-da boldy. «VAZ-2105» kóliginiń 33 jastaǵy júrgizýshisi «Tulpar» kempınginiń janynda «KamAZ» júk kóligimen soqtyǵysty. Eki júrgizýshi de Qyzylorda oblysynyń turǵyny.
«Jol-kólik oqıǵasy saldarynan jeńil kólik júrgizýshisi men 29 jastaǵy jolaýshy alǵan jaraqatynan oqıǵa ornynda kóz jumdy. QR QK «Abaısyzda adam ólimine ákep soqqan jol qozǵalysy erejesin buzý» baby boıynsha tergeý amaldary júrgizilip jatyr»,- dep habarlady oblystyq Polıtsııa departamenti baspasóz qyzmetiniń jetekshisi Erbolat Sarqulov.
Buǵan deıin Aqtóbe-Orynbor tasjolynda da jeńil kólik pen júk kóligi soqtyǵysyp, júrgizýshiniń kóz jumǵanyn habarlaǵan bolatynbyz.
