Aqtóbede jeńil jáne GAZel kóligi soqtyǵysyp, jolaýshy kóz jumdy

AQTÓBE. QazAqparat – Aqtóbede jeńil jáne GAZel kóligi soqtyǵysyp, jolaýshy kóz jumdy, dep habarlaıdy QazAqparat tilshisi.

Oqıǵa Aqtóbe-Bogoslovka tas jolynda boldy. 9 jeltoqsan kúni saǵat 03:45 shamasynda «VAZ 2112» avtokóliginiń 36 jastaǵy júrgizýshisi qarsy baǵytqa shyǵyp ketip, GAZel júk kóligimen soqtyǵysqan.

«Jol-kólik oqıǵasy saldarynan «VAZ 2112» avtokóliginiń jolaýshysy alǵan jaraqatynan oqıǵa ornynda kóz jumdy. Al júrgizýshi men eki jolaýshy Aqtóbe qalasynyń medıtsınalyq jedel járdem aýrýhanasyna jetkizildi. Polıtsııa departamenti jol qozǵalysynyń barlyq qatysýshylaryn jol qozǵalysy erejesin múltiksiz saqtaýǵa shaqyrady», - dedi oblystyq PD baspasóz qyzmetiniń jetekshisi Erbolat Sarqulov.