Aqtóbede jeńil kólik pen ekskavator soqtyǵysty
AQTÓBE. QazAqparat – Aqtóbede jeńil kólik pen ekskavator soqtyǵysyp, eki adam aýrýhananyń jansaqtaý bólimine tústi, dep habarlaıdy QazAqparat tilshisi.
Oqıǵa Aqtóbe-Orsk tasjolynyń Aqtóbe qalasy Ýkraınka aýyly mańynda boldy.
«Lada-219410» avtokóliginiń 26 jastaǵy júrgizýshisi Aqtóbe qalasynan Ýkraınka aýylyna qaraı baǵyt alyp, jol erejesin buzdy. Sol kezde ekskavatormen soqtyǵysty.
«Jol-kólik oqıǵasy kezinde «Lada-219410» avtokóliginiń eki jolaýshysy jedel járdem aýrýhanasynyń jansaqtaý bólimine tústi. Qazirgi kezde Qylmystyq kodekstiń 345-baby 2-bóligimen is qozǵalyp, birneshe saraptama taǵaıyndaldy»,- dedi oblystyq PD baspasóz qyzmetiniń jetekshisi Erbolat Sarqulov.
Buǵan deıin habarlaǵanymyzdaı, bıyl 9 aıda olardyń qatysýymen 120 jol-kólik oqıǵasy tirkeldi.
Onda 12 adam qaza taýyp, 110 adam jaraqat aldy.
Sonymen qatar, jol qozǵalysy erejelerin buzǵany úshin 8 myńnan astam jaıaý júrginshi men 2,7 myń júrgizýshi ákimshilik jaýapqa tartyldy.
