Aqtóbede jeńil kólik aýdarylyp, eki adam qaza tapty
AQTÓBE. QazAqparat - Samara - Shymkent tasjolynda kólik aýdarylyp, eki adam kóz jumdy, dep habarlaıdy QazAqparat tilshisi.
Búgin Samara - Shymkent tasjolynda jol apaty boldy. Hromtaý aýdanynyń Belqopa aýyly mańynda «Toıota-Alfard» kóligi aýdarylyp qaldy.
«Eki er adam oqıǵa ornynda mert bolyp, ekeýi túrli dene jaraqatymen Hromtaý aýdandyq aýrýhanasyna tústi. Júrgizýshi rýlge ıe bola almaı, oń jaqqa aýdarylǵan. Tekserý kezinde oń jaqta bolǵan rýli sol jaǵyna aýystyrylǵany, qaýipsizdik jastyǵy bolmaǵany anyqtaldy. Kólik Armenııa nómirli, ıesi aqtóbelik», - dedi oblystyq PD baspasóz qyzmetiniń jetekshisi Erbolat Sarqulov.
