Aqtóbede jeńil atletıka maneji salynady
AQTÓBE. QazAqparat - «Qazhrom» TUK» AQ Aqtóbe qalasyna jeńil atletıka manejin salyp beredi. Halyqaralyq standartqa saı bolatyn jabyq manej bıznestiń áleýmettik jaýapkershiligi aıasynda boı kóteredi, dep habarlaıdy QazAqparat tilshisi.
«Qazhrom» TUK» AQ ótken jyly Aqtóbe qalasynyń Batys-2 aýdanyna Shyǵarmashylyq akademııasyn salyp berdi. Qazirgi ýaqytta munda 5 myń bala túrli úıirmege qatysyp júr.
«Bıznestiń áleýmettik jaýapkershiligi aıasynda Shyǵarmashylyq akademııasy ashylyp, qazir balalar óner, mádenıet, gımnastıka, ІT tehnologııa salasynda tálim alyp júr. Zamanaýı tehnologııaǵa ıkemdeıtin salaǵa da basymdyq beriledi. Bıyl 10 myń bala osy akademııaǵa barady. Bárine belgili, Aqtóbede qysqy sport pen jeńil atletıka buryn jaqsy kórsetkishke ıe bolǵan. Sondyqtan biz Batys-2 yqsham aýdanynan jeńil atletıka manejin salýdy josparlap otyrmyz»,- dedi Aqtóbe oblysynyń ákimi Berdibek Saparbaev eńbek ujymymen kezdesýi kezinde.
Aıta keteıik, ótken jyly bıznestiń áleýmettik jaýapkershiligi aıasynda 1,6 mıllıard teńge bólindi. Al demeýshilikke 1 mıllıard teńgeden astam qarjy jumsaldy.
«Bıyl biz jeńil atletıka manejin salamyz. Bul halyqaralyq standartqa saı sport kesheni bolady. Sonymen qatar, Hromtaý aýdanyndaǵy stadıon jóndeledi. «Týǵan jer» aktsııasy da nazardan tys qalmaıdy. Bizdiń qyzmetkerler óz ósken ólkesine kómektesip jatyr. Negizi ár kún saıyn týǵan jerge kóńil aýdarý kerek. Sol kezde ómir jaqsy jaǵyna ózgeredi»,- dedi Eýrazııalyq top dırektorlar keńesiniń tóraǵasy Aleksandr Mashkevıch.
foto: covsmo.ru
