Aqtóbede jem-shóp daqylynyń kólemin arttyrý baǵdarlamasy ázirlenip jatyr

Óńirde «Aqtóbe oblysynyń aýyl sharýashylyǵy salasyn damytýdyń jańa múmkindikteri» atty semınar ótti. Semınar aldyńǵy qatarly tehnologııalardyń kómegimen aýyl sharýashylyǵy salasyn damytý jáne ónimdiligin arttyrýǵa arnalǵan alańyna aınaldy.
«Búgin bizdiń aldymyzda aýyl sharýashylyǵy salasyn zamanaýı talaptarǵa saı ári qaraı damytý boıynsha birqatar mindet tur. Olardyń qatarynda osy salanyń memlekettik qoldaý sharalaryn tıimdi júzege asyrý talaby bar. Bul azyq-túlik qaýipsizdigin qamtamasyz etýge, ónim sapasy men ónimdilik kólemin kóterýge, aýyl sharýashylyǵy ónimderiniń baǵasyn turaqtandyrýǵa múmkindik beredi»,- dedi semınardy ashqan oblys ákimi.

Ońdasyn Orazalın sharýalardyń eren eńbegin joǵary baǵalaıtynyn atap ótti.
Aıta keteıik, bıyl Aqtóbe oblysynda aýyl sharýashylyǵy taýarlaryn óndirýshilerdi qoldaý maqsatynda 23,7 mlrd teńge sýbsıdııa bólinse, onyń 13,3 mlrd teńgesi asyl tuqymdy mal sharýashylyǵyn damytýǵa, 7 mlrd teńge mal azyǵyn daıyndaýǵa berildi. Budan bólek, bıyl aýyl sharýashylyǵy tehnıkasyn jańartýdy yntalandyrý úshin jergilikti bıýdjet esebinen osy maqsattardy sýbsıdııalaý kólemi 25 paıyzdan 35 paıyzǵa deıin ulǵaıtyldy. Nátıjesinde jyl basynan beri iri qara mal basy 9,9%, jylqy -​ 14% ósti. 270 mlrd teńgege aýyl sharýashylyǵy ónimi óndirildi. Degenmen bıylǵy qolaısyz aýa raıy turaqty mal azyǵy bazasyn jasaýdyń mańyzyn kórsetti. Soǵan baılanysty Aqtóbe oblysynda jem-shóp daqylynyń kólemin 2023 jylǵa deıin ulǵaıtý baǵdarlamasy ázirlenip jatyr. Sóıtip sýbsıdııany kóbeıtýge jáne mal azyǵyn ázirleýge qajetti aýyl sharýashylyǵy tehnıkasyn satyp alýǵa múmkindik beredi.
«Bizdiń oblystyń sharýa qojalyqtary atynan sizge rızashylyǵymdy bildirgim keledi. Negizinde bizge úlken qoldaý kórsetiledi. Mundaı qoldaý eshbir óńirde joq dep senimmen aıta alamyn. Sizdiń sharýalarǵa degen kómegińizdi halyqqa degen qamqorlyq dep sanaımyz»,- dedi «Qazaqstan fermerler qaýymdastyǵy» oblystyq fılıalanyń basshysy Berik Sarıev.