Aqtóbede jeltoqsan aıyndaǵy merekelerge oraı aýyl sharýashylyǵy jármeńkesi ótedi
AQTÓBE. QazAqparat – Aqtóbede kásipkerler men qalalyq ákimdik merekelerge oraı jármeńke uıymdastyryp, jergilikti óndirýshilerdiń azyq-túlik baǵasyn turaqty ustap turýi úshin kelisimge keldi, dep habarlaıdy QazAqparat tilshisi.
Baǵany turaqtandyrý maqsatynda kásipkerler men ákimdik ortaq kelisimge keldi. Endi aldaǵy demalys, mekeme kúnderi iri saýda oryndary men kommýnaldyq bazarlarda aýyl sharýashylyǵy jármeńkesi ótedi.
«Qala ákiminiń tapsyrmasymen mereke oraı iri sýpermarketterdegi baǵany turaqty ustap turýǵa kelisim jasaldy. ıAǵnı, osy jyldyń 1 jeltoqsany men 2020 jyldyń 15 qańtaryna deıin baǵalar sol kúıi saqtalýy tıis. Sonymen qatar qalalyq ákimdik pen oblystyq kásipkerlik basqarmasy «Aktobe fýds» JShS jáne onyń ónimderin tasymaldaýshy «SAT» JShS ósimdik maıynyń 1 lıtrin 435 teńgeden 400 teńgege deıin arzandatýǵa kelisti. Ár apta saıyn bazarlarda aýyl sharýashylyǵy jármeńkesi ótedi», - dedi Aqtóbe qalalyq kásipkerlik bóliminiń basshysy Rýslan Ájnııazov.
Bıyl qalada 63 jármeńke uıymdastyryldy. Onda 223 mıllıon teńgeniń ónimi satyldy. Jármeńkede taýar baǵasy bazardaǵy qunynan 10 paıyzǵa arzan bolady.
Eske salsaq, baǵanyń ósimine jol bergen Aqtóbe oblysy ákiminiń orynbasary tártiptik jazaǵa tartylǵan bolatyn.
