Aqtóbede jel kúsheıip, birneshe jol jabyldy

AQTÓBE. KAZINFORM - Aqtóbede jel kúsheıip, Samara-Shymkent, Aqtóbe-Atyraý baǵytyndaǵy birneshe jolda shekteý engizildi.

Samara-Shymkent tasjolynyń Qarabutaq-Yrǵyz aralyǵynda jel kúsheıip, júk jáne qoǵamdyq kólikke shekteý qoıyldy. Sonymen birge Aqtóbe-Atyraý tasjolynyń Qaraýylkeldi aýylynan Atyraý oblysyna deıingi aralyqta barlyq kólikke shekteý engizildi. Jel kúsheıip, joldaǵy kórinis qıyndady.

«Qazgıdromettiń derekterine sáıkes 7 aqpanynda Aqtóbe oblysynyń aýmaǵynda qar jaýyp, boran bolady. Jeldiń jyldamdyǵy 30 m/s jetedi. Osyǵan baılanysty Aqtóbe oblysynyń Tótenshe jaǵdaılar departamenti qaýipsizdik sharalaryn saqtaýdy, ǵımarattar men qurylystardan, bıik tirekterden, aǵashtardan, bılbordtardan, tirekterden jáne elektr symdarynan aýlaq bolýdy, sondaı-aq eldi mekenderden tys jerlerge shyqpaýdy suraıdy», - dep habarlady Aqtóbe oblysy TJD TJ aldyn alý bóliminiń bas mamany Álisher Sarybaev.