Aqtóbede jel elektr stantsııasy salynyp jatyr
AQTÓBE. QazAqparat - Jel elektr stantsııasynyń qurylysy Qarǵaly aýdanynyń Badamsha aýylyna jaqyn jerde ornalasqan, dep habarlaıdy QazAqparat tilshisi.
Jel elektr stantsııasynyń joba quny 33 mıllıard teńgeni qurap otyr. Qarjynyń 90 paıyzyn «ENI» komıpanııasy saldy. Ózgesi «General Electric» kompanııasyna tıesili.
«Qýattylyǵy 48 MVt bolatyn jel elektr stantsııasynda qazir 300-den astam adam jumys istep jatyr. Olardyń 100-i aýdan turǵyny. Barlyǵy 13 jel generatory bolady. Bári Aqtaý arqyly Eýropadan jetkizildi», - dep habarlady Qarǵaly aýdandyq kásipkerlik bólimi. Eske salsaq, jel elektr stantsııasynyń qurylysy týraly Qazaqstannyń jańartylatyn energetıkasy qaýymdastyǵynyń bas dırektory Arman Qashqynbaev aıtqan bolatyn.
