Aqtóbede jekeniń qolyna ótken vokzal ǵımaratynyń bir bóligi qaıtarylmaıdy – QTJ
AQTÓBE. KAZINFORM – Shalqar qalasyndaǵy temirjol vokzalynyń ǵımaraty jolaýshylar aǵynyna saı qyzmet kórsete alady. Sondyqtan jekeniń qolyna ótip ketken bóligin qaıta satyp alý qajet emes. QTJ baspasóz qyzmeti Kazinform saýalyna jaýap berdi.
Aqtóbe oblysy aýmaǵynda jóndelip jatqan temirjol vokzaldarynyń ishinde Shalqar stantsııasynyń ǵımaraty ekige bólingen. Bir jaq bóligi, ıaǵnı, ǵımarattyń 194 sharshy metri 1997 jyly satylyp ketken. Kelisim QR Qarjy mınıstrligi Memlekettik múlik jáne jekeshelendirý komıteti Aqtóbe oblystyq departamenti men jeke kásipker M.Bısenmen arada júrgizilgen. 1998 jyly satý-satyp alý kelisimsharty jasaldy. 2022 jyly jeke kásipker M.Bısen óz úlesin áıeli B.Boranqulovaǵa syıǵa tartty.
- «QTJ» UK» AQ-nyń Shalqar stantsııasyndaǵy vokzal ǵımaraty jolaýshylar aǵynyna saı qyzmet kórsete alady. ıAǵnı jekeniń qolyndaǵy bir bóligin satyp alýǵa esh negiz joq. Jeke kásipker vokzaldyń jańa qasbetine saı jóndeý júrgizedi. Ol úshin Aqtóbe oblysy ákimdigine, Shalqar aýdandyq jáne qalalyq ákimdigine hat joldandy, - dep habarlady «QTJ» UK» AQ-nyń baspasóz qyzmeti.
Eske salsaq, Shalqar aýdanyndaǵy vokzaldyń bir bóligi 30 jyl buryn jekeniń qolyna ótip ketken. Jeke kásipker Bıbigúl Boranqulova qaıta satýǵa daıyn ekenin aıtty.
