Aqtóbede jeke klınıkadan órt shyǵyp, 200 adam syrtqa shyǵaryldy

AQTÓBE. QazAqparat – Aqtóbede jeke klınıkadan órt shyǵyp, tótenshe jaǵdaılar qyzmeti barlyq tehnıkany jumyldyrmaq boldy, dep habarlaıdy QazAqparat tilshisi.

Búgin saǵat 14:12-de Aqtóbe qalasy, Patsaev kóshesinde jeke klınıkadan órt shyqty. Arada 2 mınýt ótkende órt sóndirýshiler oqıǵa ornyna jetti.

«Jertóleni ys basyp, órt sóndirýshiler negizgi oshaqty anaqtady. Aýmaǵy 10 sharshy metrdi quraıdy. Munda birden 42 qyzmetker men 7 tehnıka órt sóndirý jumysyna jumyldyryldy. Abyroı bolǵanda, zardap shekken adam joq. Al klınıka ishin tútin basqan kezde 200 adam syrtqa shyqty», - dep habarlady oblystyq TJD baspasóz qyzmeti.

Boljam boıynsha ot dánekerleý jumysy kezinde tutanǵan. Qazir tótenshe jaǵdaılar qyzmeti negizdi sebebin anyqtap jatyr.

Aıtyp óteıik, tótenshe jaǵdaılar departamenti alǵash habarlama túskende birden barlyq tehnıka men qyzmetkerdi daıyndady. Órt aýmaǵy shaǵyn bolǵandyqtan tek birneshe maman jiberildi.