Aqtóbede jedel járdem oblys ákiminiń shaqyrýyn qabyldamady
AQTÓBE. QazAqparat - Aqtóbe oblysynyń ákimi Berdibek Saparbaev jedel járdem stansasynyń ǵımaratynda turyp, dıspetcherlerdiń jumysyn tekserdi. Ákimniń nusqaýymen qońyraý shalynǵanymen, dıspetcherler qabyldamady, dep habarlaıdy QazAqparat tilshisi.
Búgin oblys ákimi Berdibek Saparbaev jedel járdem qyzmetiniń basshylyǵymen, emhananyń bas dárigerlerimen kezdesý ótkizdi. Kezdesý kezinde oblystyq densaýlyq saqtaý basqarmasynyń basshysy Áset Qalıevke erekshe tapsyrma berdi.
«Jedel járdemge telefon shalyp, dıspetcherdiń tirkeýi men jedel járdem kóliginiń kelýin jasyryn tekserýge tapsyrma berildi. Sol kezde naqty kórinis belgili bolady. Ár maman óz qyzmeti úshin aqy alady, ári halyq aldyndaǵy jaýapkershiligi bar», - dedi oblys ákimi Berdibek Saparbaev.
Jıyn sońynda dıspetcherlerdiń otyratyn arnaıy bólmesine kirip, jumysty tekserdi. Oblys ákimi Berdibek Saparbaevtyń nusqaýymen 103 nómirine qońyraý shalyndy. Biraq alǵashqy qońyraý dıspetcherlerge túspeı, jaýap bolmady.
