Aqtóbede jedel járdem men jeńil kólik soqtyǵysyp, bir adam kóz jumdy
AQTÓBE. QazAqparat – Aqtóbe-Atyraý tasjolynda jedel járdem men jeńil kólik soqtyǵysty, dep habarlaıdy QazAqparat tilshisi.
Aqtóbe-Atyraý tasjolynda «Honda CRV» avtokóliginiń 29 jastaǵy júrgizýshisi Aqtóbeden Qandyaǵash qalasyna bar jatqan kezde Muǵaljar aýdany, Aqkemir kentiniń mańynda joldyń qarsy baǵytyna shyǵyp ketken.Ol aldyn ala boljam boıynsha Temir aýdandyq aýrýhanasynyń jedel járdem kóligimen soqtyǵysqan.
«Jol-kólik oqıǵasy saldarynan «Honda CRV» avtokóliginiń 54 jastaǵy jolaýshysy Qandyaǵash qalasynyń ortalyq aýrýhanasynda kóz jumdy. «Honda CRV» kóliginiń júrgizýshisi men «ÝAZ» jedel járdem avtokóliginiń medbıkesi aýdandyq aýrýhanaǵa jatqyzyldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Muǵaljar aýdandyq aýrýhanasynyń bas dárigeri Meırjan Kenjebaevtyń aıtýynsha, qazir úsh naýqas aýrýhanada jatyr.
«1992 jyly týǵan naýqas bas-mı jaraqatyn aldy. Jasandy tynys alý apparatyna qosylǵan. Ol esin bilmeıdi. Sanavıatsııa shaqyrylyp, birden neırohırýrgter qarady. Sonymen birge 1962 jyly týǵan naýqas da túrli dene jaraqatymen tústi. Ol jedel járdem qyzmetkeri. Búgin Aqtóbe qalasyna jetkizý josparda bar. Sonymen birge 1992 jyly týǵan naýqastyń da jaǵdaıy jaqsy. Ol em alyp jatyr», - dedi Meırjan Kenjebaev.
