Aqtóbede jedel járdem kóligi aýdarylyp, bir jolaýshy kóz jumdy
AQTÓBE. QazAqparat – Aqtóbede jeńil jáne jedel járdem qyzmetiniń kóligi aýdarylyp, bir jolaýshy aýrýhanada kóz jumdy, dep habarlaıdy QazAqparat tilshisi.
Samara-Shymkent tasjolynyń Hromtaý aýdany Aqqudyq kenti aýmaǵynda jeńil jáne jedel járdem qyzmetiniń kóligi soqtyǵysty. Aldyn ala belgigi bolǵany - jeńil kólik júrgizýshisi rýlge ıe bola almaı qalǵan. Saldarynan Áıteke bı aýdandyq aýrýhanasyna tıesili «Ýaz» avtokóligi aýdaryldy.
«Jedel járdem kóliginiń júrgizýshisi men jolaýshy túrli dene qaraqatymen Hromtaý aýdanynyń aýrýhanasyna tústi. Birneshe saǵattan keıin jedel járdem kóliginde bolǵan esepshisi esin jımastan kóz jumdy. Jol-kólik oqıǵasy boıynsha sotqa deıingi tergeý bastaldy», - dedi oblystyq PD baspasóz qyzmetiniń jetekshisi Erbolat Sarqulov.
