Aqtóbede jedel járdem dıspetcherleri arnaıy kýrstan ótip jatyr
AQTÓBE. QazAqparat - Aqtóbede jedel járdem qyzmetkerleri telefon shalǵan adamdardan aqparat qabyldaý, naýqastardyń týystarymen durys sóılesý tetigin úırenip jatyr, dep habarlaıdy QazAqparat tilshisi.
Marat Ospanov atyndaǵy Batys Qazaqstan memlekettik medıtsına ýnıversıtetiniń úzdiksiz kásibı damý ortalyǵy jedel járdem qyzmetkerlerin oqyta bastady. Arnaıy kýrsqa kún saıyn turǵyndardan, naýqastardan shaqyrý qabyldap otyrǵan 47 dıspetcher qatysyp jatyr. Bul jumysy sońǵy eki jylda udaıy atqarylyp keledi.
«Buryn qalalyq emhananyń dárigerleri úshin naýqastarǵa baǵyttalǵan kútim, ıaǵnı patsıenttermen tıimdi qarym-qatynas jasaý týraly trenıngter ótkizdik. Mazasy ketip, sharshaǵan týystarymen sóılesý de qıyn. Sondyqtan shydamdy bolý, dáriger etıkasyn esten shyǵarmaǵan abzal. Dáriger trenıngte janashyr bolýdy, aýyr sóz aıtpaýdy, shydamdylyqty meńgerdi», - dedi Úzdiksiz kásibı damý ortalyǵynyń assıstenti ıÝlııa Zame.
Al endi kúndelikti jumystaǵy kásibılikti shyńdaý kezegi jedel járdem qyzmetkerlerine keldi.
«Suraq qoıa bilý, naqty jaýap alý, az ýaqytta jaǵdaıdy túsinip, oıy shashyrap, abyrjyp turǵan adamǵa senim berip, jedel járdem brıgadasyn durys baǵyttaý bizdiń mindetimiz. Bizge qońyraý shalǵan adamdardyń 5-10 paıyzy ǵana durys jaýap beredi. Ózgesi daýys kóterip, qarsy suraq qoıyp, ýaqyt ótkizedi. Biz osy tyǵyryqtan shyǵý jolyn úırenip jatyrmyz. Jańa trenıng bizdiń jumysymyzǵa oń áserin tıgizedi dep esepteımin», - dedi jedel járdem dıspetcheri Larısa Derova. Aldaǵy ýaqytta dál osy ádispen jedel járdem brıgadasynyń feldsherleri oqytylady.
Eske salsaq, Aqtóbede mektep oqýshysy jedel járdem jetpeı kóz jumdy. Aqtóbe oblysynda qurylǵan arnaıy komıssııa jedel járdemniń kesh jetkenin moıyndady.
