Aqtóbede jazǵy lager tárbıeshisiniń ústinen tergeý bastaldy
AQTÓBE. QazAqparat - Aqtóbede ata-analardyń aryzy boıynsha «Aqbóbek Vostok» lagerindegi jas tálimgerdiń ústinen tergeý bastaldy, dep habarlaıdy QazAqparat tilshisi.
«Aqbóbek Vostok» lagerindegi tálimgerdiń qysym kórsetkenin aıtqan jeti bala úılerine ketip qalǵan. Keıin onyń úsheýi lagerge demalýǵa qaıta barǵan.
«Oblystyq bilim basqarmasy monıtorıng júrgizý úshin komıssııa qurdy. Komıssııa quramynda ardager pedagog, basqarma qyzmetkerleri bar. Ata-analardyń aryzy boıynsha quqyqqorǵaý organdary jumys istep jatyr. Al biz aryzdy áleýmettik jeli arqyly bilip, tekserýge bardyq. Tárbıe, turmystyq jaǵdaıy (lagerdiń – avt) qaraldy. Shaǵym aıtqan balalardyń jasy 10-12-de. Negizi «bı keshine jibermegen soń túsinispeýshilik týǵan» dep aıtylyp jatyr. Bul jaǵdaı boıynsha aýrýhanaǵa barǵan eshkim joq», - dedi Aqtóbe oblystyq Bilim basqarmasynyń bólim basshysy Raıhan Nurhojaeva.
«Aqbóbek Vostok» lageriniń basshysy Aıbolat Tashkenbaev ázirge naqty aqparat bere almady. Tek polıtsııanyń tergeýdi bastaǵanyn habarlady. Ári mundaǵy 50 beınekameraǵa tárbıeshiniń oǵash qylyǵy túspegen.
«25 shilde kúni Aqtóbe polıtsııa basqarmasynyń Jedel basqarý ortylyǵyna lagerdegi jas tárbıeshiniń balalarǵa tıiskeni týraly aqparat kelip tústi. Osy derek boıynsha sotaldy tergeý bastaldy. Oqıǵanyń mán-jaıy anyqtalyp jatyr. Ózge aqparat jarııalanbaıdy», - dedi oblystyq PD baspasóz jetekshisi Erbolat Sarqulov.
