Aqtóbede jazǵy lager tárbıeshisi sottaldy
AQTÓBE. QazAqparat - Aqtóbe oblystyq qylmystyq ister jónindegi mamandandyrylǵan aýdanaralyq sotynda jazǵy lager tárbıeshisine úkim shyqty, dep habarlaıdy QazAqparat tilshisi.
2019 jyldyń shilde aıynda «Aqbóbek Vostok» lagerindegi tálimgerdiń qysym kórsetkenin aıtqan jeti bala úılerine ketip qalǵan bolatyn. Oblystyq PD baspasóz jetekshisi Erbolat Sarqulovtyń málimetinshe, 25 shildede Jedel basqarý ortylyǵyna lagerdegi jas tárbıeshiniń balalarǵa tıiskeni týraly aqparat túsken. Keıin Qylmystyq kodekstiń 124-baby 3-bóligimen is qozǵalǵany málim boldy.
«26 naýryz kúni Aqtóbe oblystyq qylmystyq ister jónindegi mamandandyrylǵan aýdanaralyq sotynda Qylmystyq kodekstiń 124-baby 3-bóligimen aıyptalǵan «Ó« esimdi azamatqa qatysty is qaraldy. Sottalýshy aıypty dep tanylyp, 10 jylǵa bas bostandyǵynan aıyrý jazasy taǵaıyndaldy. Jazasyn qylmystyq atqarý júıesiniń barynsha joǵary mekemesinde óteıdi. Sot úkimi zańdy kúshine engen joq», - dep habarlady oblystyq sottyń baspasóz qyzmeti.
