Aqtóbede jazǵy lagerden qashyp ketken 3 bala aman-esen tabyldy
AQTÓBE. QazAqparat – Aqtóbede úsh bala lagerden qashyp ketip, bireýi anasynyń úıinen tabyldy, dep habarlaıdy QazAqparat tilshisi.
Aqtóbe oblysy Alǵa aýdany Bestamaq aýylynda ornalasqan «Kúnshýaq» lagerinen úsh jasóspirim qashyp ketti.
Polıtsııa qyzmetkerleri jazǵy lagerden qashyp ketken kámelet jasqa tolmaǵan balalardyń bireýin anasynyń úıinen tapty.
«Kúnshýaq» lagerinde ómirlik qıyn jaǵdaıǵa tap bolǵan otbasylardyń balalary demalady. Jasóspirimderdiń joǵalǵany týraly habarlamany alǵannan keıin birden izdeý toby quryldy. Eki bala kóp uzamaı tabylyp, lagerge qaıtaryldy. Al 13 jastaǵy bala Qobda aýdanynyndaǵy anasynyń úıine ketip qalǵan. Ol anasyn saǵynǵanyn, otbasyna oralǵanyn aıtty», - dep habarlady oblystyq PD baspasóz qyzmetiniń jetekshisi Erbolat Sarqulov.
