Aqtóbede jazasyn óteýshi anasynyń beıitin izdeý úshin túrmeden qashqan
AQTÓBE. QazAqparat - Aqtóbedegi qonys kolonııasynda jazasyn ótep júrgen ıÝrıı Averıanov anasynyń beıitin izdeý úshin qashyp ketken. Polıtsııa ony mal baǵyp júrgen jerinen taýyp aldy, dep habarlaıdy QazAqparat tilshisi.
ıÝrıı Averıanov Shyǵys Qazaqstan oblysynda týyp-ósip, Oral qalasynda isti boldy. Jazasynyń sońǵy jylyn Aqtóbe oblysy, Muǵaljar aýdanynda, Aqtóbe qalasyndaǵy qonys kolonııasynda ótedi. 33 jastaǵy jazasyn óteýshi «QazAdalQurylys» kompanııasynda jumys istep júrgen kezde anasynyń beıitin izeýge shyǵyp ketken. Іs materıalyna súıensek, jazasyn óteýshi tańerteń jumysqa baryp, qonys kolonııasyna keshkilik qaıta oralmaǵan. Ol úıine oralyp, anasynyń beıitine barmaq boldy. ıÝrıı Averıanov Aqtóbe oblysy, Jem qalasyndaǵy túrmede jazasyn ótep otyrǵan kezde anasy kóz jumǵan jáne onyń qaı jerde jerlengeni týraly eshqandaı aqparat bilmeıdi. Jaıaý jolǵa shyqqan ol Samara-Shymkent tasjolymen Hromtaý aýdanynyń Bógetsaı aýylyna barady. Dúkenge kirgen kezde beıtanys áıel mal baǵyp, jumys isteýdi usynady. Jazasyn óteýshi bul usynysty qabyldaǵan. Sot otyrysy kezinde jazasyn óteýshi ıÝrıı Averıanov kinásin tolyq moıyndap, óz isi úshin ókinetinin jetkizdi.
«ıÝrıı Averıanov Qylmystyq kodekstiń «Bas bostandyǵynan aıyrý túrindegi jazany óteýden jaltarý» baby boıynsha aıypty dep tanylyp, 6 aıǵa bas bostandyǵynan aıyrý jazasy taǵaıyndalsyn. Burynǵy qylmysynyń jazasy ótelmegen taǵy 1 aıy qosylyp, 7 aıǵa bas bostandyǵynan aıyrylsyn. Jazasyn óteýshi sot zalynan qamaýǵa alynsyn. ıÝrıı Averıanov jazasyn qaýiptiligi joǵary túzetý mekemesinde óteıdi»,- dedi sýdıa Gúlnar Tlepova.
Sot úkimi kúshine engen joq.
