Aqtóbede jaıylym men egistik tsıfrlandyryldy
Oblystyq aýyl sharýashylyǵy basqarmasynyń basshysy Qusaıyn Sársembaıdyń aıtýynsha, Hromtaý aýdanynyń birqatar kásiporyndary arnaıy gıdravlıkalyq qurylǵymen jabdyqtalǵan. ıAǵnı, egis alqabyndaǵy jumys avtomattandyryldy. Astyq jınaıtyn kombaındar qashyqtyqty baǵamdap, qajetti janar-jaǵarmaı shyǵynyn, alqap ónimdiligin, shyǵyn kólemin anyqtaıdy.
«Mártók aýdanyndaǵy sharýa qojalyqtary aýa raıynyń qolaısyzdyǵyna qaramastan ótken jyly gektarynan 14,2 tsentner ónim aldy. Oblys boıynsha ortasha túsim - 8,3 ts/ga boldy. Shyǵymnyń artýy tehnıkaǵa baılanysty. Sharýashylyqtar 1,7 mlrd teńgege zamanaýı qurylǵy satyp alǵan bolatyn. Óńirdegi sharýalar «aqyldy sýarý» júıesin de iske qosty. Qarǵaly jáne Mártók aýdandarynyń sharýalary arnaıy qosymsha arqyly smartfonmen sýarý júıesin iske qosa alady. Bıyl sýarmaly jerlerdi qalpyna keltirý baǵdarlamasy boıynsha 10,6 myń gektar alqapty aınalymǵa engizý josparlanyp otyr», - dedi Qusaıyn Sársembaı.
Aıta keteıik, oblysta 776,3 myń gektar egistik, 138,2 myń gektar shabyndyq, 9 mln gektar jaıylymdyq jer tsıfrlandyryldy. Jalpy, aýyl sharýashylyǵy baǵytyndaǵy jerdi tsıfrlandyrý jumysy tolyq aıaqtaldy. Mal sharýashylyǵy salasynda plem.kz portaly arqyly sýbsıdııa berý júıesi avtomattandyrylǵan, spýtnıktik navıgatsııa arqyly maldy baqylaý múmkindigi týdy.