00:20, 04 Jeltoqsan 2024 | GMT +5
Aqtóbede jaıaý júrginshini kólik qaǵyp, mert boldy
AQTÓBE. KAZINFORM — Aqtóbede 48 jastaǵy jaıaý júrginshini kólik qaǵyp ketti. Ol oqıǵa ornynda kóz jumdy.
Oqıǵa búgin saǵat shamamen 20:00-de Aqtóbe qalasy Aqjar-2 turǵyn alabynda boldy.
— «VAZ 2110» avtokóliginiń júrgizýshisi júrginshini qaǵyp ketti. Saldarynan ol oqıǵa ornynda kóz jumdy, — dedi Aqtóbe oblystyq PD baspasóz qyzmetiniń jetekshisi Erbolat Sarqulov.
Eske salsaq, 1 jeltoqsan kúni Aqtóbe qalasynda 3 jasar qyzdy kólik taptap ótti. Rólde bolǵan 29 jastaǵy júrgizýshiniń ishimdik ishpegeni anyqtaldy. Osy oqıǵaǵa baılanysty Qylmystyq kodekstiń 345-baby boıynsha is qozǵaldy, tergeý júrip jatyr.