Aqtóbede jaıaý júrginshini eki kólik qaǵyp ketti
AQTÓBE. QazAqparat - Aqtóbede jaıaý júrginshini júk kóligi men jeńil kólik qatar qaǵyp ketti, dep habarlaıdy QazAqparat tilshisi.
Aqtóbedegi Samara - Shymkent tasjolyndaǵy «Raýan» aýylynan shyǵyp, Zarechnyı eldimekeniniń ortalyq kóshesimen júrgen KaMAZ kóliginiń júrgizýshisi jaıaý júrginshini qaǵyp ketti. Sol kezde júk kóliginiń artynda kele jatqan «Mersedes» kóliginiń ıesi jol ústinde jatqan jaıaý júrginshini ekinshi ret soqty. Kólik júrgizýshisi oqıǵa ornynan izin sýytqan. Aýyr jaraqat alǵan jaıaý júrginshi sol jerde kóz jumdy.
«Mersedes» avtokóliginiń júrgizýshisin anyqtaý maqsatynda (sholaq shalbar men fýtbolka kıgen, kelbeti azııalyq er adam) izdeý jarııalandy. Kýágerlerdi anyqtaý kezinde 102; 936-403; 936-408 telefondary boıynsha habarlasýlaryńyzdy suraımyz», - dep habarlady oblystyq PD baspasóz qyzmetiniń jetekshisi Erbolat Sarqulov.
