Aqtóbede jaıaý júrginshiler jolynan ótip bara jatqan oqýshy qyzdy kólik qaǵyp ketti
AQTÓBE. QazAqparat – 4 qarasha kúni Aqtóbe qalasy mańynda ÝAZ avtokóliginiń júrgizýshisi jaıaý júrginshiler jolynan ótip bara jatqan 11-synyp oqýshysyn qaǵyp ketti, dep habarlaıdy QazAqparat tilshisi oblystyń PD baspasóz qyzmetine silteme jasap.
Oqıǵa Qarǵaly aýylynda bolǵan.
«ÝAZ -3163» avtokóliginiń 53 jastaǵy júrgizýshisi B.Momyshuly dańǵylymen 8-naýryz kóshesi jaǵynan Matrosov kóshesine qaraı «Geolog» mádenıet úıine qarama-qarsy kele jatyp, rettelmegen jaıaý júrginshiler ótkelinde joldy kesip ótpek bolǵan jaıaý júrginshini ótkizbeı qoıǵan. Zardap shegýshi kámeletke tolmaǵan, 11 synyp oqýshysy bolyp shyqty», - dedi oblystyń PD baspasóz qyzmeti Erbolat Sarqulov.
Jol apaty saldarynan jasóspirim qyz Aqtóbe oblystyq balalar aýrýhanasyna jatqyzyldy.
Avtory: Samal Endibaeva
