Aqtóbede jastar arasynda jappaı tóbeles bolyp, bireýi kóz jumdy

Oqıǵa túnde bolǵan. Kúdiktiler ustaldy. Polıtsııa qylmystyq is qozǵady.

— Janjal ishinde bolǵan barlyq kúdikti anyqtalyp, polıtsııa bólimine jetkizildi. Olardyń is-áreketine qoldanystaǵy zańnamaǵa sáıkes quqyqtyq baǵa beriledi. Tergeý barysy baqylaýǵa alyndy. Kináli tulǵalar zań aıasynda jaýapqa tartylady, — dep habarlady oblystyq PD baspasóz qyzmeti.

Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, oqıǵa ornyna jedel járdem shaqyrylmaǵan. Es-tússiz deneni belgisiz adamdar aýrýhanaǵa ákelgen kezde dárigerler bozbalanyń ólimin ǵana tirkep, polıtsııaǵa habar bergen.

Aıta keteıik, Shymkentte jappaı tóbeles bolyp, úsh adam qamaýǵa alyndy. Áleýmettik jelilerde bir top jastyń jol ústinde janjal shyǵaryp, tóbeles uıymdastyrǵany beınelengen vıdeo tarady.