Aqtóbede jastar arasynda eki kúndik týrıstik slet ótti

Týrıstik sletke qala jastary arasynan 9 komanda qatysyp, eki kún boıy túrli sporttyq, zııatkerlik jáne komandalyq saıystarda ózara baq synasty. Jastar úshin bul — belsendilik, dostyq, uıymshyldyq pen jańa tájirıbege toly erekshe kún boldy.

Jarys nátıjesi bylaı boldy:

I oryn — «Júrekten júrekke» eriktiler toby;

II oryn — «Qazhrom» komandasy;

III oryn — «Júrekten júrekke 2» komandasy.

Jeńimpazdardy marapattaý rásimine Jastar saıasaty máseleleri basqarmasynyń mamany Mádı Jaılybaıuly qatysyp, jastardy merekemen quttyqtady. Olar dıplom, medal jáne qarjylaı syılyqtarmen marapattaldy. Barlyq komandalarǵa alǵys hattar tabystaldy.

Eki kúnge sozylǵan shara barysynda qatysýshylar bir-birimen tanysyp, túrli tapsyrmalardy birlesip oryndady.

Uıymdastyrýshylardyń aıtýynsha, mundaı is-sharalar jastardyń belsendiligin arttyryp, jańa tájirıbe jınaqtaýyna múmkindik beredi.

Aıta keteıik, 12 tamyz — Halyqaralyq jastar kúni. Bul mańyzdy mereke jas býynnyń qoǵamdaǵy mańyzyn kórsetý, olardyń quqyqtary men bastamalaryn qoldaý maqsatynda BUU (Birikken Ulttar Uıymy) sheshimimen 1999 jyly bekitilgen.