Aqtóbede jasóspirim sýǵa batyp ketti

AQTÓBE. KAZINFORM – Jasóspirimniń denesi Elek ózeninen shyǵaryldy.

Aqtóbe qalasyndaǵy Elek ózenine bıyl 8-synypqa kóshken oqýshy sýǵa batyp ketti. Іzdestirý jumystaryna oblystyq TJD qyzmetkerleri, onyń ishinde dron jáne jedel-qutqarý jasaǵynyń qutqarýshylary jumyldyryldy.

– Arada úsh saǵattan astam ýaqyt ótkende balanyń denesi sýdan shyǵaryldy. Aldyn ala málimet boıynsha, bala shomylýǵa arnalmaǵan orynda, belgisiz jaǵdaıda sýǵa batyp ketken. Azamattarǵa sý aıdyndarynda qaýipsizdik sharalaryn saqtaý jáne shomylýǵa arnalmaǵan oryndarda sýǵa túspeý týraly eskertemiz, - dep habarlady oblystyq TJD baspasóz qyzmeti.

Eske salsaq, maýsymda Aqtóbeniń Yrǵyz aýdanynda oqýshy sýǵa batyp ketti. 16 jastaǵy bozbalanyń denesi tórt kúnnen soń aýyldan shamamen bir shaqyrym qashyqtyqtan tabyldy.