Aqtóbede jasóspirimdi urǵan tárbıeshiniń isi sotqa jiberildi
AQTÓBE. QazAqparat - Aqtóbe oblysy, Mártók aýdanyndaǵy Jaısań arnaýly mektep-ınternatynda tárbıeshi jasóspirimdi uryp, polıtsııaǵa aryz túsirdi. Qazir qylmystyq is sotqa joldandy, dep habarlaıdy QazAqparat tilshisi.
Jaısań mektep-ınternatynyń tárbıelenýshisi soqqy alyp, polıtsııaǵa shaǵym túsirgen bolatyn. Buǵan deıin habarlaǵanymyzdaı, Mártók aýdandyq ishki ister bólimi Qylmystyq kodekstiń «Kámeletke tolmaǵan adamdy tárbıeleý jónindegi mindetterdi oryndamaý» baby boıynsha tergeý júrdi.
Al búgin Aqtóbe oblystyq prokýratýrasy istiń sotqa joldanǵanyn habarlady.
«21 aqpan kúni quqyq qorǵaýshy Alıma Abdırova Jaısań arnaýly mektep-ınternatynyń tárbıelenýshisi soqqyǵa jyǵylǵany týraly aryz túsirdi. 22 aqpan kúni Mártók aýdandyq ІІB Qylmystyq kodekstiń «Kámeletke tolmaǵan adamdy tárbıeleý jónindegi mindetterdi oryndamaý» baby boıynsha tergeý júrgizdi. 18 aqpanda túski as kezinde tárbıeshi mekteptiń 15 jastaǵy tárbıelenýshisine qol kótergeni anyqtaldy. Tárbıelenýshi ishki erejeni buzǵan, ıaǵnı, ózi sekildi tárbıelenýshimen janjaldasyp qalǵan. Tergeý jumysy prokýratýranyń baqylaýynda boldy. Mekteptiń 27 jastaǵy tárbıeshisi kúdikke ilikti. Búgin qylmystyq is Aqtóbe oblystyq kámelettik jasqa tolmaǵandardyń mamandandyrylǵan aýdanaralyq sotyna joldandy»,- dep habarlady Aqtóbe oblystyq prokýratýrasy.
