Aqtóbede jasóspirim sýǵa batyp ketti

AQTÓBE. QazAqparat - Aqtóbe qalasyndaǵy Elek ózenine 15 jastaǵy bozbala sýǵa batyp ketti. Ol tyıym salynǵan aýmaqqa shomylǵan, dep habarlaıdy QazAqparat tilshisi.

Oqıǵa búgin saǵat 18:55-da tirkeldi. 112 qutqarý qyzmetine Aqtóbe qalasy Almaty aýdany Elek ózeni boıynda 15 jastaǵy bozbalanyń sýǵa batyp ketkeni týraly habarlama tústi.

«Súńgýirler jaǵadan 50 metr qashyqtyqta, 3 metr tereńdikten 2006 jyly týǵan jasóspirimniń denesin shyǵardy. Aldyn ala aqparat boıynsha 15 jastaǵy jasóspirim ruqsat etilmegen jerge sýǵa túsken. Jyl basynan beri qalada 8 adam sýǵa ketti. Onyń beseýi kámelet jasqa tolmaǵan bala»,- dedi qalalyq TJB bastyǵy Aıbat Jańabergenov.

Eske salsaq, ótken aptada Aqtóbe qalasy Almaty aýdany Aqjar-1 aýylyndaǵy kópir qasynda 2 adam sýǵa ketti. Oqıǵa ornyna qutqarýshylar jiberildi.

«19 jáne 20 jastaǵy azamattardyń denesin súńgýirler 3 metr tereńdikten shyǵardy. Aldyn ala aqparat boıynsha olar ruqsat etilmegen jerge sýǵa shomylǵan», - dep habarlady oblystyq TJD baspasóz qyzmeti.

Mamyr-maýsym aılarynda Aqtóbe oblysynda barlyǵy 10 adam sýǵa batyp ketti. Bári de ruqsaty joq jerge shomylǵany belgili bolyp otyr.