Aqtóbede jasóspirim qarda júretin kólikpen bir top adamǵa soǵylyp, bir áıel mert boldy

AQTÓBE. QazAqparat - Aqtóbede oqys oqıǵa boldy. Demalys bazasynda qarda júretin kólik rýline mektep oqýshysy otyryp, ol birneshe adamdy qaǵyp ketti. Saldarynan 40 jastaǵy áıel kóz jumdy, dep habarlaıdy QazAqparat tilshisi.

Oqıǵa búgin saǵat 15:30-da «Taý» demalys bazasynyń aýmaǵynda boldy. Oblystyq PD baspasóz qyzmetiniń habarlaýynsha, 2007 jyly týǵan aqtóbelik jasóspirim qarda júretin Lynx avtokóligin júrgizip kele jatyp, jabdyqtalǵan qar syrǵymasynyń janynda turǵan bir top adamdy qaǵyp ketti.

«Oqıǵa saldarynan 40 jastaǵy áıel qaıtys boldy. Al 49 jastaǵy er adam men kámeletke tolmaǵan bes bala, onyń ishinde bir jasar bala medıtsınalyq mekemege jatqyzyldy. Atalǵan fakti boıynsha Aqtóbe oblysy polıtsııa departamenti tekserý júrgizip jatyr»,- dep habarlady oblystyq PD baspasóz qyzmeti.

Oblystyq bilim basqarmasynyń habarlaýynsha, rýlde otyrǵan mektep oqýshysy bolyp shyqty.