Aqtóbede jas jigitti atyp ketti
AQTÓBE. QazAqparat - Aqtóbe qalasynda 29 jastaǵy jigit oq jaraqatynan kóz jumdy. Polıtsııa kúdiktini taba almaı jatyr, dep habarlaıdy QazAqparat tilshisi.
Sáýirdiń 20-nan 21-ine qaraǵan túni 29 jastaǵy qala turǵyny birneshe oq jaraqatynan kóz jumdy. Jedel járdem jas jigitti temir jol aýrýhanasyna jetkizip, dárigerler jasandy jolmen tynys aldyrý úshin barlyq múmkindikti paıdalanǵan. Biraq, Jandos Jarbolovty aman alyp qalý múmkin bolmady. Dárigerler keýdesine kóp oq tıgen dep otyr. Marqum Sút zaýyty aýdanynan jetkizilgen.
«Jedel járdem brıgadasy túngi saǵat 2:10-da Jandos Jarbolovty jetkizdi. Keýde tusyna, ishine, oń jáne sol jaq ıyǵyna oq tıgen. Aýrýhanaǵa ákelgen kezde tynys alǵan joq. Ókpesi men júregi toqtaǵan, kóz qarashyǵy úlkeıgen. Jan saqtaý bóliminiń dárigerleri, reanımatolog, kezekshi dáriger júregi men keýdesine reanımatsııa jasady. Esh nátıje bergen joq. Túngi saǵat 2:30-da naýqastyń ólimi tirkeldi»,- dedi Temir jol aýrýhanasy bas dárigeriniń emdeý isi jónindegi orynbasary Gúlmıra Quljanova.
Oblystyq ishki ister departamentiniń baspasóz qyzmeti osy oqıǵaǵa balanysty Qylmystyq kodekstiń «Adam óltirý» baby boıynsha is qozǵalyp, jedel tergeý tobynyń qurylǵanyn málimdedi. Biraq kúdikti ustalǵan joq. Tergeý bastaldy.
