Aqtóbede jas sarbazdardyń ant qabyldaý rásimin ana-analary onlaın baqylady
«Batys» Ulttyq gvardııanyń 66/55 áskerı bóliminde jas sarbazdar ant qabyldady. Túrkistan, Qaraǵandy, Batys Qazaqstan, Mańǵystaý jáne Atyraý oblystarynyń 300 sarbazy saltanatta sharaǵa qatysty. Shara kezinde sanıtarlyq talap saqtaldy. Olardyń ata-analary men týystary qatystyrylmady. Tek áskerı bólimdegi ant qabyldaý rásimin tikeleı efır arqyly qaraýǵa múmkindik jasaldy. Jas sarbazdar Otan aldyndaǵy boryshyn adal atqarýǵa ýáde etti. 66/55 áskerı bóliminiń komandıri Mıras Týrdalın antqa adal bolyp, el tynyshtyǵy men turaqtylyǵy jolynda boryshyn múltiksiz atqarýǵa shaqyrdy.
«Biz úshin ant qabyldaý rásiminiń mańyzy zor. El qorǵany bolar zamandastaryma qajyr men qaırat tileımin. Árqaısysy el bolashaǵy úshin antyna adal bolady dep esepteımin»,- dedi Oral qalasynan kelgen jas sarbaz Eldar Bekbolatov.
Ant qabyldaý rásiminen soń jas sarbazdar ana-analarymen onlaın baılanysqa shyqty.
