Aqtóbede jas kelinshektiń ólimine qatysty qylmystyq is qozǵaldy
AQTÓBE. QazAqparat - Aqtóbede medıtsınalyq mekemedegi qaıǵyly jaǵdaıǵa baılanysty qylmystyq is qozǵaldy, dep habarlaıdy QazAqparat tilshisi.
«14 qazan kúni saǵat 17:59-da Aqtóbe qalasy Astana aýdandyq polıtsııa bólimine medıtsınalyq ortalyqtyń ÝDZ kabınetinde 20 jastaǵy kelinshektiń kóz jumǵany týraly aqparat tústi. Osy derek boıynsha Qylmystyq kodekstiń 317-baby 3-bóligimen, ıaǵnı, medıtsına nemese farmatsevtıka jumyskeriniń kásiptik mindetterin tıisinshe oryndamaýy babymen is qozǵaldy, sot-medıtsınalyq saraptama taǵaıyndaldy. Tergeý júrip jatyr», - dep habarlady oblystyq PD baspasóz qyzmeti.
Eske salsaq, Aıdos pen Gúldana Nurmaǵambetovter 1 jyldan astam ýaqyt buryn otaý quryp, balaly bolýdy armandaǵan. Gúldana Nurmaǵambetova 8 aı boıy gınekologııalyq aýrýlarǵa baılanysty jeke klınıkada em qabyldaǵan. Sońǵy emi kezinde dárini qatty aýyrsynyp, operatsııa ústelinde kóz jumdy.
