Aqtóbede jas kelinshektiń ólimine qatysty komıssııa quryldy
AQTÓBE. QazAqparat - 20 jastaǵy Gúldana Nurmaǵambetovanyń ólimine qatysty oblystyq Densaýlyq saqtaý basqarmasy, Taýarlar men kórsetiletin qyzmetter sapasy men qaýipsizdigin baqylaý basqarmasy komıssııa qurdy, dep habarlaıdy QazAqparat tilshisi.
«Kóz jumǵan kelinshek jeke klınıkada tekserýden ótip, em qabyldaǵan. Sol kúni jatyr tútikshesiniń ótkizý qabileti tekserilgen. Sot-medıtsına saraptamasynyń bergen boljamy boıynsha anafılaktıkalyq shok alǵan. Qazirgi ýaqytta oblystyq Densaýlyq saqtaý basqarmasy, Taýarlar men kórsetiletin qyzmetter sapasy men qaýipsizdigin baqylaý basqarmasy komıssııa qurdy. Naqty sheshimi shyqqan ýaqytta qosymsha habar beriledi. Oblystyq densaýlyq saqtaý basqarmasy qaıtys bolǵan kelinshektiń otbasyna kóńil aıtady», - dep habarlady oblystyq densaýlyq saqtaý basqarmasynyń baspasóz qyzmeti.
Aıta keteıik, 14 qazan kúni 20 jastaǵy kelinshek medıtsınalyq ortalyqta kóz jumdy. Osy oqıǵaǵa baılanysty Qylmystyq kodekstiń 317-baby 3-bóligimen is qozǵaldy.
