Aqtóbede jas kelinshektiń ólimine baılanysty tergeý bastaldy
AQTÓBE. QazAqparat - Aqtóbede 26 jastaǵy kelinshektiń óliminen soń qylmystyq is qozǵalyp, tergeý júrip jatyr, dep habarlaıdy QazAqparat tilshisi.
Aqtóbede eki apta boıy jansaqtaý bóliminde jatqan Inna Pılıch kóz jumyp, týystary quqyq qorǵaý organdaryna aryz túsirdi. Qazir osy oqıǵaǵa baılanysty sot aldy tergeý bastaldy.
«Inna Pılıch statsıonarda jatqanda júktilik úzilgenge deıin jəne odan keıin de nevrologııa bóliminiń meńgerýshileri men professor-oqytýshylar teksergeni anyqtaldy. Jalpy alǵanda, mamandardyń qatysýymen 9 konsılıým ótkizilgen. Qazir Aqtóbe qalasy, Astana aýdanynyń №1 polıtsııa bólimi QR QK 317-baby, ıaǵnı, «Medıtsına qyzmetkeriniń kásibı mindetterin tıisinshe oryndamaýy» boıynsha sotqa deıingi tergeýdi bastady. Barlyq qajetti saraptamalar taǵaıyndaldy. Aqtóbeliktiń ne sebepti qaıtys bolǵanyn arnaıy komıssııa anyqtaıdy», - dep habarlady óńirlik kommýnıkatsııalar qyzmeti.
