Aqtóbede jas kásipkerler qaıtarymsyz grant utyp aldy
AQTÓBE. QazAqparat - BUU-nyń Damý baǵdarlamasy jas kásipkerlerge qaıtarymsyz grant berdi, dep habarlaıdy QazAqparat tilshisi.
Aqtóbe oblysy boıynsha 13 kásipker qoldaýǵa ıe boldy. «Ekotsentr» qoǵamdyq birlestigi arqyly qazaqstandyq jas kásikerlerge Japonııa qoldaý kórsetti. Aqtóbelik jastar tigin tsehyn, naýbaıhana, ásemdik salony, fotosalon sekildi óz bıznesin keńeıtti. Talap boıynsha jumyssyzdardy eńbekke aralastyrdy.
«Aqtóbe oblysy boıynsha Qandyaǵash, Shalqar qalalary men Shubarqudyq aýyldarynda jastar óz jobasyn usynyp, jeńimpaz atandy. Ótinish jeltoqsan aıynda qabyldanǵan bolatyn. Jastardyń jumysy árqıly. Aýylda suranysqa ıe sala qoldaýǵa ıe boldy», - deıdi qoǵamdyq birlestik jetekshisi Merýert Qurmanova.
Aıta keteıik, Aqtóbe oblysy boıynsha 20 mıllıon teńgege jýyq qarjy bólindi. Qandyaǵash qalasy boıynsha 6 joba, Shalqar qalasynan 4 joba, Shubarqudyqtan 3 joba bar. Jeńimpazdarǵa 3 mıllıon teńgege deıingi somaǵa sertıfıkat berildi.
«Bul joba týraly jeltoqsan aıynda estidim. Sodan ótinish qaldyrdym. Qandyaǵashta, ásirese kóktem mezgilinde, kókónisterdiń óskinderin tabý qıynǵa soǵady. Osyny eskere otyryp, dıhandar men baǵbandarǵa arnalǵan arnaıy dúken ashýdy josparladym. Búginde óńirde ekologııalyq taza ónimge suranys joǵary», – deıdi jeńimpaz Erlan Aıtjanov.
