Aqtóbede jas kásipkerler «Bastaý» baǵdarlamasy arqyly oqytylady
AQTÓBE.QazAqparat - Aqtóbede jas kásipkerler «Bastaý» baǵdarlamasy arqyly oqytylady. Oqý bir aıǵa sozylady, dep habarlaıdy QazAqparat tilshisi.
Aqtóbe qalasy men oblystaǵy 6 aýdan turǵyndary «Bastaý» baǵdarlamasy arqyly oqytylady. Bir aı ishinde jas kásipker bıznes jobasyn bastaý, júrgizý, tabys tabý men alda kezigetin qıyndyqtarmen kúres jolyn úırenedi. Bir aıdan soń arnaıy sertıfıkat berilip, nesıe alýǵa múmkindik jasalady.
«Bir aı ishinde daıyn bıznes jospar jasalady. Bilim alǵan adam jan-jaqty saýatty, qolǵa alǵan isti tııanaqty júrgizýge múmkindik alady. Ári olar usynys berse, nesıe alýǵa yntaly toptyń aldynda bolady. Jospar boıynsha kásipkerlerge arnalǵan qarjy qarjylaı qoldaý qory arqyly beriledi»,- dedi oblystyq kásipkerlik basqarmasynyń basshysy Anar Darjanova.
Aıta keteıik, bıyl oblys ákimdigi, «Damý» Qory arqyly «Keń dala-2» jáne «JasStart-2» baǵdarlamasy iske asyrylyp jatyr. Bul maqsatqa 1 mıllıard teńge qarjy bólindi. «Jas Start-2» baǵdarlamasy arqyly 29 jasqa tolmaǵan jastarǵa 20 mıllıon teńgege deıin nesıe beriledi. Al «Keń dala-2» baǵdarlamasy aýyl kásipkerlerine baǵyttalǵan. Eki baǵdarlama da ótken jyly bastalyp, bıyl jalǵasyp jatyr.
