Aqtóbede jas fýtbolshynyń óliminen soń saraptama taǵaıyndaldy

AQTÓBE. KAZINFORM - Qazir sot-medıtsınalyq saraptamasy júrip jatyr. Ázirge adamdardyń neden mert bolǵany belgisiz.

Oqıǵa keshe Aqtóbe qalasynda boldy. Aqtóbe oblystyq tótenshe jaǵdaılar departamentiniń kezekshi bólimine habarlama túsip, oqıǵa ornyna qutqarýshylar bardy. Úı ishinen úsh adamnyń denesi tabyldy. 

— Qazirgi ýaqytta oblystyq polıtsııa departamentiniń qyzmetkerleri barlyq qajetti tergeý áreketterin júrgizip jatyr. Sot-medıtsınalyq saraptama taǵaıyndaldy. Oqıǵanyń sebepteri men jaǵdaılary anyqtalyp jatyr, — dep habarlady oblystyq TJD baspasóz qyzmeti. 

Aqtóbe oblystyq densaýlyq saqtaý basqarmasynyń habarlaýynsha, jedel járdemge shaqyrtý túsken. Alaıda úsh adam da aq halattylar barǵansha mert bolǵan.

Aıta keteıik, «Aqtóbe» FK-nyń resmı habarlaýynsha, qaıtys bolǵan fýtbolshy — Aron Musa. Onymen birge ájesi men nemere aǵasy da kóz jumdy. 15 jastaǵy Aron «Aqtóbe U — 16» komandasynda oınady.