Aqtóbede jas ana óliminen soń perınataldyq ortalyqtyń bas dárigeri qyzmetinen ketti
AQTÓBE. QazAqparat – Aqtóbede 30 jastaǵy jas ananyń óliminen soń perınataldyq ortalyqtyń bas dárigeri qyzmetinen ketti, dep habarlaıdy QazAqparat tilshisi.
30 jastaǵy Aımıra Atshybaevanyń óliminen soń Aqtóbe oblystyq perınataldyq ortalyqtyń bas dárigeri Ashat Balyqov óz erkimen qyzmetinen ketti. Bul aqparatty oblystyq densaýlyq saqtaý basqarmasy basshysynyń orynbasary Bekbolat Іzbasarov rastady.
Aqtóbe oblysy boıynsha bıyl 7 ana ólimi tirkeldi. Onyń ekeýi oblystyq perınataldyq ortalyqta kóz jumǵan.
Eske salsaq, 17 mamyr kúni Aqtóbe oblystyq perınataldyq ortalyqta jas ana kóz jumdy. Marqumnyń týǵan-týystary, baýyrlary keshe dárigerlerdiń aldyna baryp, mán-jaıdy túsindirýdi talap etti. Belgili bolǵany – kelinshek ózi bosanǵan. Keıin birden jansaqtaý bólimine tústi. Al shaqalaq din aman. Ol ákesiniń janynda.
