Aqtóbede jas aqyndar aıtysy ótti

AQTÓBE. QazAqparat – Aqtóbe oblystyq halyq shyǵarmashylyǵy ortalyǵy Naýryz merekesine oraı «Jyl basy - Naýryz» atty aıtys ótkizdi, dep habarlaıdy QazAqparat tilshisi.

Uıymdastyrýshylar salt-dástúridi ulyqtaý, aıtys óneriniń damýyna qoldaý kór­setý, elimizdiń táýelsizdik jyldaryn­da ­qol jetkizgen tabysy men qun­dylyqtaryn, sondaı-aq oblystaǵy aıtys mektebiniń shyǵarmashylyq áleýetin nasıhattaýdy maqsat etti. Aıtyskerlerdiń ónerin belgili aqyn Oralbaı Kámetııa jáne oblystyq máslıhat depýtaty Juldyz Qojabekova bastaǵan qazylar alqasy baǵalady. Jyr jarysyn aqyn, oblystyq halyq shyǵarmashylyǵy ortalyǵy jas aıtyskerler mektebiniń jetekshisi Marat Ahmetov júrgizip otyrdy.

«Jyl basy – Naýryz» taqyrybyndaǵy jyr báıgesine Jańajol Muqanov, Zlıqa Naýryzalına, Nurbol Jaýynbaev, Asylbek Ábdirahman, Shynarbek Tursynuly, Uljan Áshir, Rahmetolla Jubanaly (Alǵa aýdany), Samǵar Orynbaı, Naýryzbek Ábilqasymov (Mártók aýdany), Saǵynysh Smet, Aıbolat Kóshkinbaı, Araı Nuradın syndy jas aqyndar qatysyp, kórermenge áserli aıtys syılady. Aqyndar Naýryz merekesi men salt-dástúrimizdi arqaý etti. Jastardyń aıtysy kópshiliktiń kóńilinen shyqty», - dedi Aqtóbe oblystyq halyq shyǵarmashylyǵy ortalyǵy dırektorynyń orynbasary Gúlnar Seıtalına.

Barlyǵy 12 jas aqyn qatysqan óner básekesinde Nurbol Jaýynbaev
bas júldeni jeńip aldy. Birinshi oryndy Zlıqa Naýryzalına, ekinshi oryndy Asylbek Ábdirahman men Shynarbek Tursynuly, al úshinshi oryndy Naýryzbek Ábilqasymov (Mártók aýdany) jáne Araı Nuradın enshiledi.

Barlyq qatysýshylarǵa yntalandyrý syılyǵy tabystaldy.