Aqtóbede jarty jylda 23 adamnan AITV ınfektsııasy anyqtaldy
AQTÓBE. KAZINFORM – Bári de el azamattary. Olardyń arasynda balalar men jasóspirimder, esirtkige táýeldi adamdar joq.
Aqtóbe oblystyq AITV ınfektsııasynyń aldyn alý ortalyǵynyń habarlaýynsha, byltyr jarty jylda 31 adamnan AITV juqpasy anyqtaldy. Al bıyl ony 23 adamnyń juqtyrǵany belgili boldy. Bári de Qazaqstan azamaty.
- Byltyrǵyǵa qaraǵanda bıyl alty aıda juqtyrý deregi 26% tómendedi. Balalar, jasóspirimder, esirtkige táýeldi adamdar arasynda AITV ınfektsııasy anyqtalǵan joq. Bıyl oblystyń árbir onynshy turǵyny test tapsyryp, óz mártebesin bildi. Sonymen birge 116 myńnan astam turǵyn synamasy zerthanalyq tekserýden ótti. Ásirese jastar, júkti áıelder arasynda aqparattandyrý jumysy jan-jaqty júrgizildi. Jedel testileýge 2 500 adam qatysty. Al AITV juqtyrǵan adamdardyń 95% em qabyldap jatyr. Patsıentterdiń 94 paıyzynda vırýstyq júkteme azaıǵan,- dep habarlady Aqtóbe oblystyq AITV ınfektsııasynyń aldyn alý ortalyǵy.
Aıta keteıik, Batys Qazaqstan oblysynda 1996 jyldan bastap kúni búginge deıin adamnyń ımmýn tapshylyǵy vırýsy (AITV) ınfektsııasyn juqtyrǵan 1 231 adam tirkeldi.
