Aqtóbede jarty tonnaǵa jýyq esirtki zaty tárkilendi
AQTÓBE. KAZINFORM – Aqtóbede byltyr eskirtki saqtaý, satý boıynsha 279 is tirkeldi. Barlyǵy jarty tonnaǵa jýyq zat tárkilendi.
Aqtóbe oblystyq PD baspasóz qyzmeti byltyr 279 is tirkelgenin habarlady. Onyń 136-y satý, saqtaý bolsa, ózgesi zańsyz aınalym.
- Tárkilengen esirtkiniń eń kóbi – marıhýana. Onyń jalpy salmaǵy 320 keliden asty. Sonymen birge 8 kelige jýyq gashısh, 9 keliden astam sıntetıkalyq esirtki tárkilendi. 2024 jyldyń basynda Esirtki qylmysyna qarsy is-qımyl basqarmasynyń qyzmetkerleri Aqtóbe qalasynda jedel is-sharalar ótkizdi. Nátıjesinde kórshi oblystyń turǵynynan 10 keliden astam marıhýana tárkiledi. Sot oǵan 10 jylǵa bas bostandyǵynan aıyrý jazasyn taǵaıyndady. Al kúzde garaj kooperatıvinen sıntetıkalyq esirtki óndirisiniń jasyryn zerthanasy anyqtaldy. Zerthanadan 3 keliden astam mefedron alyndy. Bul is boıynsha tergeý jalǵasyp jatyr,- dep habarlady Aqtóbe oblystyq PD baspasóz qyzmeti.
Byltyr qyzmettik-izdestirý ıtteriniń kómegimen shamamen 2,5 kg esirtki tárkilendi.
Eske salsaq, byltyr jeltoqsanda mektep muǵalimi men tis tehnıgi esirtki zattaryn daıyndap, adam óltirgeni úshin 19 jylǵa sottaldy.