Aqtóbede jarylys bolǵan úıdi jóndeý jumysy keler jylǵa qaldy

AQTÓBE. KAZINFORM - Bes qabatty úıdiń úsh podezin qalpyna keltirýge arnalǵan jobalyq-smetalyq qujat saraptamadan ótip jatyr. Páter ıeleri úı ishinde qalǵan múlkin TJD qyzmetkerleriniń kómegimen alyp shyǵa alady.

Aqtóbe qalasy Astana aýdany ákimdigi búgin Abaı dańǵyly №24/1 úıdiń turǵyndarymen kezdesti. Munda demontajdaý jumystary bir aptadan keıin bastalady. Aqtóbe qalasy ákimi baspasóz qyzmetiniń habarlaýynsha, «Aqtóbegrajdanproekt» jobalaý kompanııasy qalpyna keltirýge arnalǵan jobalyq-smetalyq qujattama jasap jatyr. Al demontaj jumystarynyń jobalyq-smetalyq qujattamasy qazirgi ýaqytta saraptamada. Qujat qyrkúıek aıynyń sońynda, ıaǵnı, bir aptadan keıin daıyn bolady.

- Jaqyn kúnderi jarylys saldarynan qulaǵan podezdi bólshekteý jumystary júredi. Oǵan deıin osy úsh podezde páterleri bar turǵyndar qalǵan múlikterin tótenshe jaǵdaılar basqarmasynyń mamandarymen birge baryp ala alady. Júk kóligimen qamtamasyz etýge kómektesemiz, - dedi qala ákiminiń orynbasary Juldyzbek Bısembın.

Aqtóbe qalasy Astana aýdany ákimi Baıanbek Qyryqbaevtyń aıtýynsha, bıyl úıdiń bir podezin bólshekteý júrgenimen, ony salý jyly keler jylǵa qaldy.

Eske salsaq, maýsymda Aqtóbede kópqabatty úıde jarylys bolyp, bir adam qaza tapty. 

Qylmystyq kodekstiń «Órt qaýipsizdigi talaptaryn buzý» baby boıynsha qozǵaldy. https://kaz.inform.kz/news/aktobedeg-zharilis-kilmistik-s-kozgaldi-9d99d1/ Úı bıýdjet qarjysy esebinen jóndeledi.