Aqtóbede jarylys bolǵan úı bıýdjet qarjysy esebinen jóndeledi

AQTÓBE. KAZINFORM – Turǵyndar ákimdik ázirlegen páterlerge ýaqytsha kóshirildi. Qazir qurylys-montaj jumystaryna qajetti joba jasalyp jatyr.

Aqtóbe qalasy Eset batyr kóshesindegi kópqabatty úıde jarylys bolyp, qazir mundaǵy úsh podezdiń turǵyndary Eset batyr turǵyn alabynda turyp jatyr. Olar úıge jóndeý jumystary júrgizilgenshe turǵyndar ákimdik bergen baspanada tura alady.

Aqtóbe qalasy ákiminiń baspasóz qyzmetiniń habarlaýynsha, podezd de, páterler de jóndeledi. Demontaj, odan ári qurylys-montaj jasaý úshin «Aktıýbgrajdanproekt» kompanııasy joba jasap jatyr. Bul joba shamamen 2,5 aı jasalady. Keıin jobany iske asyrý úshin bıýdjetten qarjy qarastyrylady.

- Podezd de, páterler de jóndeledi. Jóndeý tolyq aıaqtalǵan soń turǵyndar óz baspanalaryna qonystanady. Saraptama qorytyndysy boıynsha úı jóndeýge jaramdy, - dedi Aqtóbe qalasy ákiminiń baspasóz qyzmeti.

Aıtyp óteıik, jarylys bolǵan úıge eki aptada tehnıkalyq saraptama jasaldy. Mamandar tek bir podezdi apatty dep tanyp, demontaj jáne qaıta qalpyna keltirý jumystary júrgizilýi kerek dep sheshti. Jóndeý jumystary kezinde 4 jáne 6 podezde bekitý jumystary qatar atqarylady. Úsh podezdegi otbasyna 100 AEK bir rettik tólem tóleýge sheshim qabyldandy.

Eske salsaq, maýsymda Aqtóbede kópqabatty úıde jarylys bolyp, bir adam qaza tapty.

Qylmystyq kodekstiń «Órt qaýipsizdigi talaptaryn buzý» baby boıynsha qozǵaldy.