Aqtóbede jarylǵysh zat týraly jalǵan habar bergen jasóspirim ustaldy

AQTÓBE. KAZINFORM - Kópqabatty úı turǵyndaryn eki kún, mektepti bir kún boıy úreıde ustaǵan kúdikti 8-synyp oqýshysy bolyp shaqty. Qazir tergeý jalǵasyp jatyr.

Aqtóbe polıtsııasy «jarylǵysh zat qoıyldy» dep jalǵan habar bergen kúdiktini anyqtady. 

- Jedel-izdestirý sharalarynyń nátıjesinde polıtseıler 8-synyp oqýshysyn anyqtap, ustady. Ol 22-qazanda «1414» biryńǵaı baılanys ortalyǵyna orta mektepterdiń birine jáne kópqabatty turǵyn úıge jarylǵysh zat qoıylǵany týraly anonımdi habarlama túsirgen. Polıtsııa jasaǵy, qyzmettik ıtteri bar kınologtar jáne saperler qarap, tekserdi. Oqý orny men turǵyn úıdi muqııat tekserý barysynda kúdik týdyratyn qandaı da bir zat tabylǵan joq.

Qylmystyq kodekstiń 273-baby, ıaǵnı, «Terrorızm aktisi týralykórineý jalǵan habarlaý» boıynsha qylmystyq jaýapkershilik qarastyrylǵan,- dedi oblystyq PD baspasóz qyzmeti.

Eske salsaq, Aqtóbede órt sóndirýshiler eki kún qatarynan jalǵan habarlama aldy. Oqıǵa ornyna 20-dan astam qyzmetker men birneshe tehnıka qatar bardy.