Aqtóbede jaramsyz kúıge túsken sýburqaqtar bıyl jóndeledi
AQTÓBE. KAZINFORM – Aqtóbede eki jyl buryn jóndeý jumysy bastalyp, arty sotqa ulasqan sýburqaqtar bıyl jóndeledi. Ol úshin qalalyq bıýdjetten 522 mln teńge qarjy bólindi.
Aqtóbe qalasynda 22 sýburqaq bar. Bıyl jumys istep turǵanyn kútip ustaýǵa 25 mln teńge jumsalýy múmkin. Qazir memlekettik satyp alý týraly konkýrs jarııalanǵanymen, áli kúnge deıin merdiger mekeme anyqtalǵan joq. Al qalanyń qaq ortasynda ornalasqan Sýly-jasyldy býlvardaǵy sýburqaqty, saıabaqty qalpyna keltirý jumysy bıyl jalǵasady.
- 2022 jyly jóndeý jumysy bastalǵanymen, aıaqsyz qaldy. Sol qurylys bıyl aıaqtalady. Merdiger – «Shalqar bastaý» JShS-i. Bul merdigerge sot arqyly mindet qoıyldy,- dedi Aqtóbe qalasy ákiminiń baspasóz hatshysy Aıgúl Baımenova.
Onyń aıtýynsha, qaladaǵy «Nur Ǵasyr» ortalyq meshiti, Ábilqaıyr han boıyndaǵy jáne oblystyq sot, Bókenbaı batyr kóshesindegi sýburqaqtar qalpyna keltiriledi, jóndeledi.
Eske salsaq, byltyr qaladaǵy saıabaqtyń, sýburqaqtardyń kúıin jazǵan bolatynbyz. 2021 jyly Sýly-jasyl býlvardy abattandyrýǵa 84,4 mln teńge bólinip, jumsaldy. 2022 jyly «Rotonda» nysanyndaǵy áripter qaıta túsip, kelisimsharttyń kepildik mindettemeleri negizinde qaıta qalpyna keltirildi. 2023 jyly bul mańdaǵy sýburqaqtar múlde jaramyz kúıge tústi.
Aıta keteıik, qaladaǵy ózge sýburqaqtar mamyr aıynda iske qosylady.
