Aqtóbede jaralanǵan eki polıtsııa qyzmetkeri aýrýhanada em qabyldap jatyr

AQTÓBE. QazAqparat - Aqtóbe qalasynda jappaı tártipsizdik kezinde 14 polıtsııa qyzmetkeri zardap shekti. Onyń ekeýi aýrýhanada, dep habarlaıdy QazAqparat tilshisi.

«Aqtóbede ákimshilik ǵımaratynyń aldynda 14 polıtsııa qyzmetkeri dene jaraqatyn aldy. Eki qyzmetker aýrýhanada em alyp jatyr», - dedi oblystyq PD baspasóz qyzmetiniń jetekshisi Erbolat Sarqulov.

Naýqastar jedel járdem aýrýhanasynda jatyr. Aqtóbe qalalyq jergilikti polıtsııa qyzmetiniń bastyǵy Jasulan Jeksembaevtyń aıaǵy jaralanǵan.

«Ákimdik aldyna kelgen adamdar ózderiniń narazylyǵyn bildirip, ákimdik ǵımaratyna kire bastady. Aıaǵyma ne jarylǵanyn bilmeımin. Qulap bara jatqanym ǵana esimde. Ári qaraı aýrýhanada óz-ózime keldim. Qazir jaǵdaıym jaqsy. Bul - bizdiń qyzmet. Jazylǵan soń qaıta qatarǵa qosylamyz», - dedi Jasulan Jeksembaev.