Aqtóbede jappaı tóbeleske qatysqan 10 aıyptalýshynyń isi sotta qaralyp jatyr
AQTÓBE. KAZINFORM — Jastar arasyndaǵy tóbeles Aqtóbeniń ortalyq saıabaǵynda bastalǵan. Keıin inisi aǵasyna aıtyp, eki tarap kezdesedi. Jappaı tóbeles kezinde qarý qoldanyp, jábirlenýshini ólimshi etip sabaǵan aıyptalýshylar sotta jaýap berip jatyr.
Aqtóbe oblystyq qylmystyq ister jónindegi mamandandyrylǵan aýdanaralyq sotynda 32 jábirlenýshi men 10 aıyptalýshynyń isi qaralyp jatyr. Іs materıalyna súıensek, byltyr 26 maýsym kúni Aqtóbe qalasynyń ortalyq saıabaǵynda kámelet jasqa tolmaǵan bozbala óz qatarlasyn uryp jibergen. Keıin ol bul jaıynda aǵasyna aıtyp, aǵasy áleýmettik jeli arqyly óz inisin urǵan bozbalany izdeıdi. Eki tarap kezdesýge kelisip, kezdesý ornyn № 1 orta mektep aýlasyna belgileıdi. Kezdesý ornyna bir tarap top bolyp jınalyp baryp, ekinshisinde aǵasy eki dosyn ertip barady. Sol kezde inisine jasaǵanyn eske salǵan aıyptalýshy sotta jábirlenýshi bolyp otyrǵan bozbalalardan óteýine 300 myń teńge aqsha men qymbat markaly uıaly telefon talap etken. Biraq olar kelispeı, kezdesý ornyn Mal bazaryndaǵy avtoturaqqa belgileıdi.
— Myltyq, pyshaq qoldaný arqyly dene jaraqatyn salýdy josparlap, bir top jigitti jınaıdy. Biri sport klýbynyń jattyqtyrýshy ekenin paıdalanyp, balalardyń tıiskenin syltaý etip, qorqytyp alýǵa usynys jasaǵan. Usynystyń zańsyz ekenin bile tura bir top jigit kelisken. Keıin aqyldasyp, biri ıeligindegi besatar atys qarýyn alyp shyǵýǵa kelisti. Sol kezde olar kúsh qoldanýdy, kólikpen qaǵyp ketýdi aqyldasady. Mal bazary aýmaǵyndaǵy avtoturaqqa jınalyp, biri ekinshisine myltyqty oqtap berdi. Qarýdan oq atylyp, qasha bastaǵanda biri kóliktiń dońǵalaǵy janynda otyryp qalady. Jábirlenýshiniń súıenip otyrǵan aıyptalýshylar kórip, tepkilep urady. Biri sol jerde qaza boldy, — dedi memlekettik aıyptaýshy.
Qylmystyq is «Adam óltirý», «Qorqytyp alý» baptary boıynsha qaralyp jatyr.
Eske salsaq, jastar byltyr jazda tóbelesip, bir adam kóz jumdy, 8-i aýrýhanaǵa tústi.
Keıin prokýratýra atyp, kólikpen qaǵyp óltirgenin habarlady.