Aqtóbede janyp ketken úıdiń ishinen eki adamnyń denesi tabyldy
AQTÓBE. QazAqparat - Aqtóbe qalasy Qýraıly aýylynda jeke úı órtenip, oqıǵa ornynan eki adamnyń denesi tabyldy, dep habarlaıdy QazAqparat tilshisi.
Búgin saǵat 11:24-te órt sóndirýshilerge Aqtóbe qalasy, Qýraıly aýylynda jer úıdiń otqa oranǵany týraly aqparat tústi. Oqıǵa ornyna 4 kólik pen 16 adam jiberildi.
«Eń jaqyn órt sóndirý beketi 22 shaqyrym qashyqtyqta boldy. Órt sóndirýshiler oqıǵa ornyna arada 20 mınýt ótkende jetti. Ol kezde úıdiń negizgi bóligi túgel janyp ketken bolatyn. Órt 12:19-da tolyq sóndirildi. Úıden 1943 jyly týǵan Elena Sakvına men 1963 jyly týǵan Sergeı Sakvınniń denesi tabyldy», - dep habarlady oblystyq TJD baspasóz qyzmeti.
Aldyn ala belgili bolǵany - órt abaısyzda tutanǵan, ıaǵnı, tósekte jatyp, temeki shekkennen shyqqan. Aıta keteıik, oqıǵa ornyna gaz qyzmeti, elektr jelisiniń jumysshylary men polıtsııa, apatty medıtsına qyzmeti bardy.
