Aqtóbede jáne Aqtóbe oblysyndaǵy 6 aýdanda tótenshe jaǵdaı jarııalandy
AQTÓBE. KAZINFORM - Aqtóbe oblysy boıynsha jergilikti aýqymdaǵy tabıǵı sıpattyq tótenshe jaǵdaı 6 aýdanda jáne Aqtóbe qalasynda jarııalandy. Bul týraly Aqtóbe oblysy ákiminiń orynbasary Asylbek Esenbaev OKQ alańynda málimdedi.
Sý tasqyny saldarynan oblysta 1053 turǵyn úı, 46 ǵımarat pen qurylys, 232 aýla jáne 689 saıajaı úıleri zaqymdanǵan.
«Jol ýchaskeleriniń sýǵa tolyp, shaıylyp ketýi nátıjesinde 13 eldi mekenmen jol qatynasy úzilgen. Qalpyna keltirý jumystary júrgizilip jatyr. Qorǵanys mınıstriliginiń ınjenerlik qyzmetimen Almaty oblysynan jetkizilgen ýaqytsha ponton-kópir parki Oıyl ózeninde ornatyldy. Qazirgi tańda 27 eldi mekende 695 abonent turaqty jaryqsyz qalyp otyr. Olardyń 500-i toq beretin generatormen ýaqytsha qamtyldy», – dedi Asylbek Esenbaev.
Buǵan deıin Aqtóbe oblysynda sý tasqynynan zardap shekkenderge kómektesýdiń, shyǵyndy óteýdiń birneshe baǵyty túsindirilgenin jazǵan bolatynbyz.
